村屋有咩好?有咩唔好?

因為兩樣住過超過十年可以討論下。

曾經在將軍澳的屋苑住了十年

圖片來源:維基百科 Photo Source: Wikipedia



一先以"衣食住行"四方面討論。


衣(購物):


屋苑:

一落樓就係大型商場,不少新市鎮發長成為"無街之城"。

以將軍澳為例,天橋連埋6,7個屋苑商場。

優點:日常購物,買衫都非常方便,仲有戲院,window shopping睇實物。

缺點:一式一樣連鎖店,商場租金影響貨品價錢。


村屋:

買野無咁方便,只能坐村巴或步行到市中心。

在網購未興起時期,想shopping可以市區放工放學shopping完先回家。

以西貢人為例,有小巴/巴士到九龍灣、旺角、將軍澳、鑽石山大型商場等等。

但到現在網購興起,村屋網購方便很多。

優點:多小店,小區生活,很多人情味老店。

缺點:店舖少距離遠,小店早關店,選擇少,依賴網購和送貨。


食(餐廳和超市街市):


屋苑餐廳:

新大型商場很多不周餐廳,優點是選擇和價錢定位也多選擇,餐廳面積大也能招呼跨家庭聚會。不論食裝修打卡的店或人氣餐廳滿足到,星期一至日無休,未有疫情之前,晚上九點後還可買到食物,滿足晚收工的人士。

缺點也是一式一樣連鎖店,新屋苑食市比較貴,比較便宜食店只出現在舊屋苑舊區。 村屋餐廳: 疫情帶動行山熱潮,令村屋多咗很多小店,加上本身舊式老店。

所以選擇比以前多,優點特色家庭式小店,橫街化身食街、望海碼頭餐廳,舊式茶記,甚至有些村有山中酒樓。

缺點:非常僻村屋是沒食市,小店舖細難坐多人,開店時間較短,可能平日有一,兩天休息,但假日卻不夠人手和坐位不足。


超市:兩邊分別不大,有些鄉村外國人多,入貨會多一點"鬼佬野"。 住村屋的同鬼佬鄉生活一樣,會揸車入大型超市入定一星期貨,或網上大手入貨。

村屋家庭有兩個雪櫃或一個超大雙門雪櫃雪藏很多肉類很平常,會放一大箱飲品到儲物室。


住屋苑優點不用入定貨,到了用完先買都未遲。


街市:

新市鎮、新屋苑的街市偏貴,以將軍澳為例的TKO街市和厚德都曾被喻為最貴街市,貴街市還有天水圍,東涌和荃灣,可見新屋苑街市偏貴,要去到舊區才會平一點。


村屋人到市中心買餸,遠少少選擇少。以家人為例間中會去外面彩虹、旺街街市。

相信每個地區街市都有利有弊,村民常揸車買餸。

西貢還有一家舊式粥舖,有即整蝦米腸,但做到下午1,2點關門

(Photo by olives lo)

西貢cafe大部分很有特色和水準。

(Photo by olives lo)


住:


屋苑:

優點:高層有好遠視野,少蚊少蟲。管理員會處理問題,有網線上網快和平,附近有大型公園,康樂設施,打波、游水、做GYM、大型圖書館。

缺點:屋苑人小小野都會投訴,鎮海地區濕氣重,人超多一落街全部都係人,返工要等升降機上落。


村屋:

優點:陽光普照,空氣精新,寧靜,鳥語花香,鄰居會互相守望,村民會主動互通消息。

周未有渡假feel。如果有天台或平台,開心BBQ,養寵物和種植物一樂也,可以整太陽能。

缺點,很多抗拒住村屋,因為蛇蟲鼠蟻。

  • ,住鄉郊遇到機會點都有,但有毒的蛇不是咁易遇到,只要盡量不行去草叢就可以,有政府工人定期除草。

  • ,我住的村屋不算很多蟲,反而屋苑大型公園見過一種很毒的蟲。村屋多靠山邊,最煩係蚊,住村的人會整防蚊網,蚊燈這些基本野。

  • ,不是村屋獨有,屋苑低層亦有機會有米奇,一些樓下食市,或近碼頭地方很多米奇,村屋間中都會有,只是村中野貓仲多過鼠,小鼠一兩隻,未遇鼠患。

  • ,問題最大遇到白蟻,如果住的是木做屋,真係就大X鑊。住磚屋就唔洗驚,白蟻主要春天3,4月的飛蟻,關好門窗。一但發現有白蟻窩,放心有滅蟻專家幫到你,現在滅蟻方法很專業。一般蟻,只需要門口散任何粉未做個結界就無事,屋企人用咖啡渣。

將軍澳單車公園面積大,中間草地供小朋友玩,附近可以跑步,可Book館內羽毛球場,及做gym

(Photo by olives lo)


將軍澳單車公園仲有滑板場

(Photo by olives lo)

最懷念將軍澳舊屋視野很遠,日落很美,不過一年到春夏非常潮濕。

(Photo by olives lo)



西貢村屋向東,陽光充足,植物多也空氣好,平台或天台可以BBQ,天氣好可以觀星。 (Photo by olives lo)

行:


屋苑:

優點:交通方便,密巴士線和班次,附近有港鐵車站唔怕塞車,如果無失誤的話。停車場有蓋不用日曬雨淋,也有電車免費位叉電。

缺點:新市鎮塞車塞到傻,屋苑泊車比較貴,也會出現有錢輪不到車位。


村屋:

優點:亡命小巴會快速送村民到市區,泊車位置離村屋住所很近,泊私有地完全免費,如村口停車場多數不會比市區貴,多數千幾至三千。部份村屋近港鐵站,或有去港鐵站的小巴,沒想像中咁遠咁不方便。

缺點:要習慣1小時生活圈,小巴車費貴,巴士班次較疏,台風前夕、大時大節或連續假日會出現大塞車,部分紅van沒有長者$2優惠。電動車需自行搵車廠整叉電或到上班地區叉電。



總括來說,

村屋最唔好

  1. 怕有賊入屋,但取易不取難,防盜一定要做足。

  2. 住三樓上落要行樓梯,較遠山路好健康,但對家中長者來說困難。

  3. 打風,倒樹。

  4. 上網比屋苑差。

  5. 業權、路權、村霸最煩,只是我住的村沒有這個問題。

  6. 蛇蟻鼠蟻不是首要大問題,但有些人真係怕無計。

村屋好處:

  1. 面積很實用。

  2. 村屋寧靜,空氣清新,太陽好曬衫一流。

  3. 儲物空間多一點,有啲村屋樓底很高,廚房也可以改動。

  4. 天台,小花園,後欄或平台加分。

  5. 價錢尺價平過樓,無論買/租金相對便宜。

  6. 某些私樓也不容許養寵物,村屋可以自由養貓養狗,亦方便散步。如果是租,也必須得到業主同意。

後話, 村屋無需管理費,但怕治安問題。

唔好慳大閘、窗花錢,CCTV 紅外線/聲音 cam,

村屋人對聲音很敏感,對一些陌生人非常高戒心,好需鄰居守望相助。

現在街燈換上很光的LED燈,有點幫助。


村屋最需要留意,業權、村霸過路費問題,兩條村爭收同一地點泊車費。

我住地方無呢啲問題,但新聞報道不少地區有這是問題。


上網貴和慢,除非有網絡供應商鋪線入村,

不過自從有咗5G卡放Wi-Fi,尚可以接受,但要查清覆蓋範圍。


買賣村屋比屋苑樓多野,例如樓齡,違例僭建物,業權地契等等。

但買賣屋苑樓要留意有無改建,漏水維修,化妝樓。


每個家庭揀住址都有原因,

有人因為校網,有些因近上班地區,有些近親戚。

我家人在將軍澳時住開心原,全因鄰近一班親戚。

現在住村屋,因為環境。

住係邊最重要一家人住得開心。


買賣或租樓,會遇到不少問題,

可以多點同相熟親友討論,得到合適答案。



 

#村屋 #屋苑 #香港 #住屋問題 #土地 #房屋問題 #買樓 #saikung #西貢 #將軍澳


關於作者 Olives(諫果)

自由工作者

吹水、設計、插畫、攝影、創作及旅行


31 views0 comments

Recent Posts

See All